هێرشی سه‌له‌فییه‌كان بۆ سه‌ر خه‌ڵكی ناوچه‌ی له‌یلاخی شاری سنه‌

ڕۆژی شه‌ممه‌ ٢٤ی مانگی ڕەزبەر، له گوندی “ماچکه‌ی” له‌یلاخی سه‌ر به “حسه‌ین‌ئاوای” شاری سنه، كۆمه‌ڵێك له‌ سه‌له‌فییه‌كان هێرشیان كرده‌ سه‌ر خه‌ڵكی ئه‌و گونده‌ و شه‌ڕ و پێكدادان له‌ نێوان هه‌ر دوو لایه‌ن هاته‌ ئاراوه‌.

به‌ پێی زانیارییه‌كان، شه‌ڕ و پێکدادان له نێوان سه‌له‌فییه‌کان و خه‌ڵکی ئاسایی ڕووی داوه و به هۆیه‌وه‌ چه‌ن که‌س بریندار بوون كه‌ بۆ وه‌رگرتنی چاره‌سه‌ری پزیشكی ڕاگوێزی نه‌خۆشخانەی شاری سنه كران. جێگه‌ی ئاماژه‌یه‌ كه‌ ڕژیمی كۆماری ئئیسلامی پاڵپشتی ئه‌و گرووپه‌ توندڕه‌وه‌ مه‌زهه‌بیانه‌ ده‌كات و به‌ تایبه‌ت له‌ دوای به‌ ده‌سه‌ڵات گه‌یشتنی “ڕه‌ئیسی” وه‌كوو سه‌رۆك كۆمار هێرشی ئه‌و گرووپه‌ كۆنه‌په‌ره‌ستانه‌ بۆ سه‌ر خه‌ڵكی مه‌ده‌نی له‌ شاره‌كانی كوردستان تا ڕاده‌یه‌كی به‌رچاو زیادی كردووه‌.

مطالب مرتبط