5
ڕۆژی سێشه‌ممه ٥ی خاكه‌لێوه‌ی ١٤٠٤، له‌یلا پاشایی و بارانی ساعدی دوو چالاكی مافی ژنانی خه‌ڵكی سنه پاش ١٥ ڕۆژ به‌ندكران به دانانی وه‌سیقه و به شێوه‌ی كاتی له گرتووخانه‌ی ئیتلاعاتی ئه‌و شاره ئازاد كران.
ڕۆژی ٢٠ی ڕه‌شه‌مه‌ی ١٤٠٣، باران ساعدی، له‌یلا پاشایی، سۆما محه‌ممه‌دڕه‌زایی و سۆهه‌یلا مه‌تاعی به بیانووی به‌شداری له ڕێوڕه‌سمه‌كانی ڕۆژی جیهانی ژن له شاری سنه ده‌ستبه‌سه‌ر كران. سۆما محه‌ممه‌دڕه‌زایی و سۆهه‌یلا مه‌تاعی له ڕۆژانی ڕابردوودا به دانانی وه‌سیقه ئازاد كرابوون و ڕۆژی سێشه‌ممه، باران ساعدی و له‌یلا پاشاییش به دانانی بارمته و به شێوه‌ی كاتی له گرتووخانه‌ی ئیتلاعاتی سنه ئازاد كراون.
