28
ڕۆژی دووشه‌ممه ١٤ی جۆزه‌ردان، به‌كرێگیراوانی كۆماری ئیسلامی مه‌زرای گه‌نمی جووتیارانی یارسانیان له گونده‌كانی گێڵانغه‌رب و سه‌رپولی زه‌هاو ئاگر دا.
به وته‌ی چالاكانی مه‌ده‌نی، كه‌سانی سه‌ر به ڕژیم به ئه‌نقه‌ست به‌رهه‌می گه‌نمی جووتیارانی یارسان له نێو ده‌به‌ن و ڕۆژی دووشه‌ممه مه‌زرای گه‌نمی كه‌شاوه‌رزان له گونده‌كانی “گه‌لین حه‌یده‌ری” و “چۆغا گه‌رمین”ی سه‌ر به سه‌رپولی زه‌هاو و گێڵانغه‌رب به ئه‌نقه‌ست سووتێندرا و زیانێكی زۆر به جووتیاران گه‌یشت. شایانی باسه كه ناوه‌نده‌كانی په‌یوندیدار هیچ هه‌نگاوێكیان بۆ به‌ره‌نگاربوونه‌وه له‌گه‌ڵ به‌كرێگیراوانی ڕژیم هه‌ڵ نه‌گرتووه و هێزه‌كانی ئاگركوژێنه‌وه‌ش ئیمكاناتی كۆنتڕۆڵكردنی ئاگره‌كه‌یان پێ نه‌بووه.
