19
به‌پێی ڕاپۆرتی ئه‌نجومه‌نی سه‌وزی چیای مه‌ریوان، ڕۆژی شه‌ممه ٢٧ی گه‌لاوێژ، دارستانه‌كانی ده‌ورووبه‌ری شاری مه‌ریوان بۆ جارێكی دیكه له‌لایه‌ن دوژمنانی ژینگه‌وه ئاگر دراوه و هه‌وڵه‌كانیان بۆ كۆنتڕۆڵكردنی ئاگره‌كه ئاكامێكی نه‌بووه.
به‌پێی ئه‌و ڕاپۆرته، دارستانه‌كانی نێوان گونده‌كانی بایه‌وه، باشماخ و بناری قۆچی سۆڵتان له‌لایه‌ن دوژمنانی ژینگه‌وه ئاگر دراوه و ژینگه‌دۆستان داوای یارمه‌تی له خه‌ڵك ده‌كه‌ن. ئه‌نجومه‌نی سه‌وزی چیای مه‌ریوان ڕایگه‌یاندووه كه ئه‌مه دووهه‌م جاره دارستانه‌كانی نێوان ئه‌و سێ ئاواییه به ئه‌نقه‌ست ده‌سووتێنرێت و داوا له خه‌ڵكی شارستانی مه‌ریوان ده‌كات ژینگه بپارێزن و ڕێگه نه‌ده‌ن كه‌سانی هه‌ڵپه‌رست زیان به سرووشتی كوردستان بگه‌ینن.
