به‌پێی ئه‌و وێنه و ویدیۆیانه‌ی به ده‌ستمان گه‌یشتووه، خه‌ڵكی ئازادیخواز له شاره‌كانی كوردستان و ئێران به‌نێر و پۆسته‌ری نوێنه‌رانی مه‌جلیسی ڕژیم ده‌سووتێنن و له‌ناویان ده‌به‌ن.
به‌پێی ئه‌و ڕاپۆرتانه‌ی به ده‌ستمان گه‌یشتووه، شوێنی پڕۆپاگه‌ندای یه‌كێك له به‌ربژێره‌كانی مجلیسی ڕژیم له به‌لووچستان ته‌قێندراوه‌ته‌وه و زیانێكی زۆر به دووكانه‌كه‌ی گه‌یشتووه، هه‌روه‌ها خه‌ڵكی شۆڕشگێڕی به‌لووچ هوشدار ده‌دنه دانیشتووانی ئه‌و پارێزگایه و ده‌ڵێن: كاتێك ئاویان به‌سه‌رتاندا قه‌تع كرد و ڕۆڵه‌كانتانیان به مووشه‌ك و ده‌ستڕێژی گوله كوشت ئه‌م نوێنه‌رانه له كوێ بوون؟ ده‌نگدان به مه‌جلسی ڕژیم ده‌نگدان به‌و باروودۆخه و زۆڵم و زۆره‌یه كه به‌سه‌ر خه‌ڵكیان دا سه‌پاندووه. هه‌روه‌ها له شاره‌كانی كوردستانیش خه‌ڵكی كرماشان، سنه، بانه، مه‌ریوان، شاباد، ئیلام، ئاودانان، مهاباد، بۆكان و ….هتد ڕایانگه‌یاندووه كه به هیچ شێوه‌یه‌ك له هه‌ڵبژاردنه‌كانی مه‌جلیسی ڕژیم دا به‌شداری ناكه‌ن و له هه‌ر شوێنێك ته‌بلیغاته‌كانیان ببینین ده‌یسووتێنن.
