به‌پێی هه‌واڵی گه‌یشتوو، به‌ڕێوه‌به‌رایه‌تی شیركه‌ت نه‌وتی مه‌ریوان كۆمه‌ڵێك به‌كرێگیراوی له سنووری باشماخ دامه‌زراندووه و بڕیاری ده‌كردنی ده كرێكاری هه‌ژاری ده‌ركردووه.
به‌وته‌ی سه‌رچاوه‌كانی هه‌واڵ، حه‌سه‌نی بڕێوه‌به‌رایه‌تی شیركه‌ت نه‌وتی مه‌ریوان بڕیاری داوه ده كرێكاری ئه‌و شیركه‌ته له‌سه‌ر كار ده‌ر بكات و له جێگه‌یان بنه‌ماڵه‌ی دوو به‌كرێگیراو به ناوه‌كانی “جه‌لال بارنامه” و “ئومید كه‌ریمیان” دامه‌زرێنێت. ده‌ركردنی ئه‌و كرێكارانه له حاڵێكدایه كه به‌ڕێوه‌به‌رایه‌تی شیركه‌ت له‌و ماوه‌یه‌شدا خه‌ڵات و پاداشی شۆفێرانی بارهه‌ڵگری عێراقی كه به كرێكارانیان دابوو زه‌وت كردووه و ده‌ستیان به‌سه‌ردا گرتووه. خه‌ڵكی مه‌ریوان سه‌باره‌ت به ئه‌گه‌ری بێكاركردنی ئه‌و ده كرێكاره هۆشداریان داوه‌ته به‌رپرسانی ئه‌و شاره و ڕایانگه‌یاندووه كه سنووری باشماخ داده‌خن و ڕێگه له هاورده كردن و هه‌نارده‌كردنی شت و مك ده‌گرن.
