25
ناوه‌نده‌كانی مافی مرۆڤ سه‌باره‌ت به ئه‌گه‌ری له‌سێداره‌دانی سێ برای خه‌ڵكی كه‌نگاوه‌ر به ناوه‌كانی “شێرزاد، سه‌عید و جه‌واد چووپانی” له زیندانی قزلحه‌ساری كه‌ره‌ج هۆشداری ده‌ده‌نه ده‌زگای قه‌زایی ڕژیم و خوازیاری ڕاگرتنی سزای ئێعدامیان بوون.
به‌پێی ڕاپۆرتی كه‌مپه‌ینی به‌رگری له به‌ندكراوانی سیاسی و مه‌ده‌نی، ئه‌و سێ به‌ندكراوه هه‌موویان خێزاندار و باوكی چه‌ند منداڵن و بنه‌ماڵه‌كانیان هیچ سه‌رچاوه‌یه‌كی داهاتیان بۆ دابینكردنی پێداویستیه‌كانی ژیان نییه. “شیرزاد، سه‌عید و جه‌واد چووپانی” ساڵی ٩٨ی هه‌تاوی به تۆمه‌تی په‌یوه‌ندیدار به مادده‌ی هۆشبه‌ر ده‌ستبه‌سه‌ر و به ئێعدام مه‌حكووم كراون. شایانی باسه كه برایه‌كی دیكه‌ی ئه‌و بنه‌ماڵه به ناوی “ئیبراهیم چووپانی” ساڵی ٩١ به هه‌مان تۆمه‌ت له زیندانی هه‌مه‌دان ئێعدام كرابوو.
