ئه‌گه‌ری ڕوودانی شه‌ڕی ئاو له‌ نێوان پارێزگاكانی ئێران

ئه‌بۆلفه‌زل ئه‌بووتۆرابی، نوێنه‌ری نه‌جه‌ف ئاوا له‌ مه‌جلیسی كۆنه‌په‌ره‌ستی كۆماری ئیسلامی سه‌باره‌ت به‌ مه‌ترسی ڕوودانی شه‌ڕی ئاو له‌ نێوان پارێزگاكانی ئێران هۆشداری به‌ ده‌وڵه‌ت دا.

ئه‌و به‌رپرسه‌ ده‌وڵه‌تییه‌ وتی: دۆخی پارێزگای تاران مه‌ترسیداره‌ و پارێزگاكانی فارس، زاهدان، به‌نده‌رعه‌باس و چه‌ند ئوستانی دیكه‌ی وه‌كوو چوارمه‌حاڵ و به‌ختیاری و خۆراسانی جنووبی كاره‌ساتباره‌. لێدانی چه‌ند به‌ندئاو له‌لایه‌ن حكوومه‌تی تالیبان له‌ ئه‌فغانستان سه‌رچاوه‌ی ئاوی مه‌شهه‌دی وشك كردووه و ڕێژه‌ی باران بارین به‌ شێوه‌یه‌كی به‌رچاو كه‌می كردووه‌‌، ئه‌گه‌ر ده‌وڵه‌ت ڕێگه‌ چاره‌یه‌ك بۆ كێشه‌ی كه‌م ئاوی نه‌دۆزێته‌وه‌، شه‌ڕی ئاو له‌ نێوان پارێزگاكانی ئێران ڕوو ئه‌دات.