4
ڕۆژی پێنجشه‌ممه ١٤ی خاكه‌لێوه‌ی ١٤٠٤، شۆرای مافی مرۆڤی نه‌ته‌وه‌یه‌كگرتووه‌كان، له كۆتایی ٥٨مین كۆبوونه‌وه‌ی ساڵانه‌ی خۆی دا له شاری ژنێو، بڕیارنامه‌یه‌كی دژ به پێشێلكارییه‌كانی كۆماری ئیسلامی له بواری مافی مرۆڤ په‌سه‌ند كرد.
شۆرای مافی مرۆڤی نه‌ته‌وه‌یه‌كگرتووه‌كان له‌و بڕیارنامه‌یه‌دا كه به ٢٤ ده‌نگی ئه‌رێ به‌رانبه‌ر به ٨ ده‌نگی نا په‌سه‌ند كراوه وێڕای ئیدانه‌كردنی سه‌ركوتگه‌رییه‌كانی كۆماری ئیسلامی، خوازیاری محاكمه‌ی تاوانباران و هاوكاری حكوومه‌ت له‌گه‌ڵ لێژنه‌ی سه‌ربه‌خۆی دۆزینه‌وه‌ی ڕاستیه‌كان بووه. شایانی باسه كه له كۆبوونه‌وه‌كه‌ی ڕۆژی ڕابردوودا، ئه‌ركی ڕاپۆرتێری تایبه‌تی نه‌ته‌وه‌یه‌كگرتووه‌كان له كاروباری ئێران بۆ ماوه‌ی یه‌ك ساڵی دیكه درێژ كراوه‌ته‌وه.
