ئەگەری بەڕێوەچوونی کۆبوونەوەیەک لە نێوان ئێران و ئەمریکا لە ئیسلاماباد

ڕۆژی ڕابردوو و هاوکات لەگەڵ بەردەوامی هێرشە هاوبەشەکانی ئەمریکا و ئیسرائیل بۆ سەر ناوچە جیاوازەکانی ئێران، هەندێک ڕاپۆرت سەبارەت بە ئەگەری دانوستانی ئەمریکا و کۆماری ئیسلامی بڵاو کراوەتەوە.

بەپێی دوایین زانیارییەکان، بە ناوەندگێری وڵاتانی عەرەبی و هەندێک وڵاتی دیکە، ئەگەری هەیە لە ڕۆژانی داهاتوودا نوێنەرانی ڕژیمی جەنایەتکاری کۆماری ئیسلامی لەگەڵ نوێنەرانی ئەمریکا لە ئیسلام ئابادی پاکستان کۆببنەوە و سەبارەت بە ڕۆداوەکانی ڕابردوو وتووێژ بکەن. بە پێی هەواڵی گەیشتوو، ڕۆژی ڕابردوو محەممەد باقر قاڵیباف، سەرۆکی پارلمانی ڕژیمی کۆماری ئیسلامی، بە فڕۆکەیەکی تایبەت بە هاوئاهەنگی لەگەڵ ئەمریکا و ئیسرائیل ڕەوانەی ئیسلام ئابادی پاکستان کراوە و ئەگەری هەیە لە ڕۆژانی داهاتوودا کۆببنەوە.