26
به‌پێی ڕاپۆرته‌كان، مامۆستایه‌كی زانكۆی له‌سه‌ركارده‌ركراوی خه‌ڵكی ئیلام به ناوی “مورته‌زا نێعمه‌تی” هاوكات له‌گه‌ڵ هه‌ڵبژاردنه‌كانی ڕژیم له‌لایه‌ن ناوه‌نده ئه‌منیه‌تیه‌كانه‌وه بانگهێشت و هه‌ڕه‌شه‌ی لێ كراوه.
“مورته‌زا نێعمه‌تی” مامۆستای زانكۆی چه‌مرانی ئه‌هواز بوو كه پاش شۆڕشی ژینا له ژێر گوشاری ناوه‌نده ئه‌منیه‌تیه‌كان ناچار به ده‌ست له‌كاركێشانه‌وه بوو. ناوبراو ماوه‌یه‌ك له‌وه‌به‌ر له ناڕه‌زایه‌تی به باروودۆخی سیاسی، ئابووری و كۆمه‌ڵایه‌تی ئێران بڕوانامه‌ی دكتۆرای خۆی دڕاند. ڕۆژی پێنجشه‌ممه ئه‌و شارومه‌نده له‌لایه‌ن ناوه‌نده ئه‌منیه‌تیه‌كانه‌وه هه‌ڕه‌شه‌ی لێ كرا كه ئه‌گه‌ر واز له چالاكییه‌كانی نه‌هێنێت، په‌روه‌نده‌سازی بۆ ده‌كه‌ن.
