كرێكارانی ڕه‌سمی نه‌وت ڕۆژی یه‌كشه‌ممه ٢٩ی ڕه‌زبه‌ر، بانگه‌وازێكیان بڵاو كرده‌وه و تێدا داویان له هاوكاره‌كانیان كرد بۆ ڕۆژی سێشه‌ممه ١ی خه‌زه‌ڵوه‌ری ١٤٠٣ له هه‌موو ناوچه عه‌مه‌لیاتیه‌كانی جنووب مان بگرن.
له به‌شێكی ئه‌و بانگه‌وازه‌دا هاتووه، كۆبوونه‌وه‌كانیان دژبه دۆخی خراپی پیشه‌یی و مه‌عیشه‌تی تا به ئه‌مڕۆ ئاكامێكی نه‌بووه و چی تر ناتوانن چاوڕێی به‌ڵێنی به‌رپرسانی كۆماری ئیسلامی بن. ئه‌زموونی پێشووتریش نیشانی داوه كه دانووستان له‌گه‌ڵ نوێنه‌رانی وه‌زاره‌تی نه‌وت بێهووده‌یه و ته‌نیا كات به فیڕۆدانه. به‌و بۆنه‌وه داوا له هه‌موو هاوكاره‌كان له عه‌سه‌لوویه، كه‌نگان و جه‌م ده‌كه‌ین بۆ گه‌یشتن به داخوازییه‌كان بۆ ڕۆژی سێشه‌ممه ١ی خه‌زه‌ڵوه‌ر له شوێنی كاره‌كانیان مان بگرن و گه‌وره‌ترین كۆبوونه‌وه‌ی سه‌راسه‌ری كرێكارانی ڕه‌سمی نه‌وت به‌ڕێوه ببه‌ن.
