73
له ڕۆژانی ڕابردوودا، چه‌ندین ژن و كچی خه‌ڵكی مهاباد به بیانووی پابه‌ند نه‌بوون به حیجابی ئیجباری له‌لایه‌ن ناونده ئه‌منیه‌تی و قه‌زاییه‌كانی ئه‌و شاره‌وه بانگهێشت كراون.
به‌وته‌ی هاووڵاتیان، هێزه‌كانی گه‌شتی ئێرشاد و پۆلیسی ئه‌منیه‌تی ئه‌خلاقی شاری مهاباد له سه‌وبه‌ندی شانۆی هه‌ڵبژاردنی سه‌رۆككۆماری دا سه‌ركوتی كچان و ژنانی دژبه‌ری حیجابی ئیجبارییان زۆرتر كردووه. له ڕۆژانی ڕابردوودا، چه‌ندین كه‌س بانگهێشت كراون و كۆمه‌ڵێك كه‌سی دیكه‌ش هوشداریان وه‌ر گرتووه. به‌پێی زانیارییه‌كان، دوربینه‌كانی نێو شار وێنه‌ی دژبه‌رانی حیجابی ئیجبارییان هه‌ڵ گرتووه و سه‌ره‌تا له ڕێگه‌ی كورته نامه‌وه هۆشداریان پێ دراوه و پاش ئه‌وه‌ی كه گوێ بیستی هۆشداره‌كان نه‌بوون، له‌لایه‌ن ناوه‌نده ئه‌منیه و قه‌زاییه‌كانه‌وه بانگهێشت كراون.
