7
له ڕۆژانی ڕابردوودا، چوار چالاكی مه‌ده‌نی شاری سنه به ناوه‌كانی فەرشید عەبدوڵڵاهی، ئیقباڵ شەبانی، جەمال ئەسەدی و ئارمان سەلیمی، لەلایەن لقی یەکی دادگای ئینقلابی ئەو شارە بانگهێشت کراون.
به‌پێی ڕاپۆرتی كۆڵبه‌رنیووز، ئه‌و چوار شارومه‌نده پێشتریش به هۆی چالاكییه‌كانیان ڕووبه‌ڕووی ده‌ستبه‌سه‌ركران و ڕێكاری یاسایی بوونه‌ته‌وه، به‌ڵام هۆكاری بانگكرانی ئه‌مجاره‌یان دیار نییه و ئه‌بێ ڕۆژی سێشه‌ممه ١٩ی خاكه‌لێوه‌ی ١٤٠٤، خۆیان به‌و ناوه‌نده قه‌زاییه بناسێنن. شایانی باسه كه فەرشید عەبدوڵڵاهی باوکی هوومەن عەبدوڵڵاهی گیانبه‌ختكردووی شۆڕشی ژینایه كه بۆ جاری چه‌نده‌م له‌لایه‌ن ناوه‌نده قه‌زاییه‌كانی ڕژیمه‌وه بانگهێشت كراوه.
