كومیته‌ی ده‌ره‌وه‌ی وڵاتی حیزبی كۆمۆنیستی ئێران به بڵاو كردنه‌وه‌ی به‌یاننامه‌یه‌ك ڕایگه‌یاند: ڕێكه‌وتی ١٣ی سپتامبر به بۆنه‌ی ڕێزگرتن له ساڵیادی شۆڕشی “ژن، ژیان، ئازادی“، خۆپێشاندانێك له شاری كۆڵنی ئاڵمان به‌ڕێوه ده‌چێت.
له به‌یاننامه‌كه‌دا وتراوه كه له ساڵڕۆژی شۆڕشی “ژن، ژیان، ئازادی” دا دێینه ناو شه‌قامه‌كان و جه‌خت له سه‌ر به‌رده‌وامی ئه‌م شۆڕشه ده‌كه‌ینەوەتا له ناو بردنی جیاكاری و سته‌می جنسیه‌تی، چینایه‌تی و نه‌ته‌وه په‌راوێز خراوه‌كان.ئێمه ده‌مانه‌وێت كه نیشانی بده‌ین “ڕژیمی كۆماری ئیسلامی به شكه‌نجه، سێداره و سه‌ركوتی ناڕازیان، توانای له ناوبردنی داخوازییه ڕادیكاڵه‌كانی ئه‌م شۆڕشه‌ی نییه“. هه‌روه‌ها ئاماژه به‌وه كراوه تا كاتی ڕووخاندنی هه‌موو بنه‌ماكانی ڕژیمی كۆماری و وه‌دیهێنانی كۆمه‌ڵگایه‌كی ئازاد، به‌رابه‌ر و سوسیالیستی، ئه‌م خه‌باته به‌رده‌وام دەبێت. له كۆتایی به‌یاننامه‌كه‌دا داوا له هه‌موو خه‌ڵكی ئازادیخواز كراوه كه كاتژمێر ٢ی دوای نیوه‌ڕۆ، له فه‌لكه‌ی heumarkt “هایماركت“، به‌شداری له‌م خۆپێشاندانه‌دا بكه‌ن.
