28
به‌پێی هه‌واڵی گه‌یشتوو، ڕۆژی یه‌كشه‌ممه ٢٢ی ڕێبه‌ندانی ١٤٠٢، هاوكات له‌گه‌ڵ ساڵڕۆژی به‌ده‌سه‌ڵات گه‌یشتنی كۆماری پت و سێداره، خه‌ڵكی شۆڕشگێڕی كوردستان ڕێپێوانی ٢٢ی به‌همه‌نیان بایكۆت كرد.
به‌پێی ئه‌و ویدیۆیانه‌ی به ده‌ستمان گه‌یشتووه، خه‌ڵكی شۆڕشگێڕ و ئازادیخوازی كوردستان وه‌كوو شاره‌كانی دیكه‌ی ئێران مه‌راسمی حكوومه‌تی ٢٢ی به‌همه‌نیان بایكۆت كرد. ڕژیمی كۆماری ئیسلامی له ڕۆژانی ڕابردوودا به تبلیغ كردن، بڵاوكردنی خۆراك له نێو خه‌ڵك و هه‌ڕه‌شه‌كردن له قوتابیان و كارمه‌ندانی ئیدارات، هه‌وڵی دا شانوویه‌كی به‌هێز له خۆی نیشان بدات، به‌ڵام هه‌وڵه‌كانی شكستی هێنا.
