34
ڕۆژی شه‌ممه ٩ی پووشپه‌ڕ، ئاگری دارستانه‌كانی مه‌ریوان بۆ جارێكی دیكه هه‌ڵگیرسا و سێ كه‌س له كاتی دامركانه‌وه‌ی ئاگره‌كه بریندار بوون.
ئاگری دارستانه‌كانی گوندی ڕه‌شه دێ ڕۆژی شه‌ممه له‌لایه‌ن ئه‌نجومه‌نی سه‌وزی چیای مه‌ریوان و خه‌ڵكی خۆبه‌خشه‌وه كۆنتڕۆڵ كرابوو، به‌ڵام شه‌وی شه‌ممه بۆ جارێكی دیكه هه‌ڵگیرسا. به‌هۆی نه‌بوونی ئیمكاناتی پێویست و گازگرتوویی سێ كه‌س له كاتی دامركانه‌وه‌ی ئاگره‌كه تووشی هه‌ناسه‌ته‌نگی بوون و بۆ نه‌خۆشخانه‌ی بووعه‌لی مه‌ریوان گوازرانه‌وه.
