17
ڕۆژی یه‌كشه‌ممه ٢٠ی خه‌زه‌ڵوه‌ر، شارومه‌ندێكی خه‌ڵكی شارستانی قه‌سری شیرین به هۆی ته‌قینه‌وه‌ی پاشماوه‌ی شه‌ڕی ئێران و عێراق به سه‌ختی بریندار بوو.
به‌پێی زانیارییه‌كان، ئه‌و ڕووداوه له ناوچه‌ی نه‌فتشاری سه‌ر به شارستانی قه‌سری شیرین ڕووی داوه و هاووڵاتییه‌ك كه ناسناوی هێشتا ئاشكرا نه‌كراوه به سه‌ختی بریندار و ڕه‌وانه‌ی نه‌خۆشخانه كراوه. جێگای ئاماژه‌یه كه ٤٢ هه‌زار كیلۆمتری چوارگوشه له سنووره‌كانی ئێران و عێراق مینڕێژ كراوه و ساڵانه ده‌یان هاووڵاتی به‌هۆی ته‌قینه‌وه‌یان ده‌بنه قوربانی كه به‌شێكی زۆریان كه‌م ئه‌ندام ده‌بن.
