12
“وریشه مورادی” به‌ندكراوی سیاسی، له دوایین نامه‌كه‌یدا ئاماژه‌ی به‌وه كردووه كه پێویسته نه‌هێڵن سیاسه‌ته شه‌ڕخوازانه‌كان، بابه‌تی سه‌ركو‌ت له ئێران دا بخاته په‌راوێزه‌وه
له نوێترین نامه له لایه‌ن “وریشه مورادی“، به‌ندكراوی سیاسی له به‌ندینخانه‌ی ئێڤین، جه‌خت له سه‌ر ئه‌وه كراوه‌ته‌وه كه پێویسته نه‌هێڵدرێت په‌ره‌سه‌ندنی شه‌ڕ و ئاڵۆزییه‌كان له ڕۆژهه‌ڵاتی ناوه‌ڕاست، بیر و ڕای گشتی له سه‌ر بابه‌تی سه‌ركوتگه‌رانه‌ی ئێران دوور بخاته‌وه، هه‌روه‌ها ئاماژه‌ی به‌وه‌ش كردووه، بۆ پشتگیری له كه‌مپه‌ینه‌كانی “نا بۆ سێداره“ كه به مه‌به‌ستی كۆتایی هێنان به سزای سێداره له ئێران به ڕێوه ده‌چێت، به‌رده‌وامی به مانگرتنی له به‌ندینخانه‌ی ئێڤین ده‌دات.
