له ڕۆژانی ڕابردوودا، پیاوێك له مه‌ڵایه‌ر خوشكه ته‌مه‌ن ٩ ساڵانه‌كه‌ی كوشتووه و له شاری مه‌شهه‌د كچێكی ته‌مه‌ن ١٥ ساڵ له‌لایه‌ن فرۆشیارێكی مادده هۆشبه‌ركان ده‌ستدرێژی سێكسی كرایه سه‌ر.
به‌پێی ڕاپۆرتی ڕێكخراوه‌كانی مافی مرۆڤ، پیاوێكی گیرۆده‌ی مادده هۆشبه‌ره‌كان له مه‌شهه‌د كچه ته‌مه‌ن ١٥ ساڵانه‌كه‌ی بۆ كڕینی ماده‌ی هۆشبه‌ر ناردووه‌ته ماڵ فرۆشیارێك و له‌وێ دا ده‌ستدرێژی كراوه‌ته سه‌ر. به وته‌ی چالاكانی مه‌ده‌نی مه‌شهه‌د، باوكی قوربانی ٩ منداڵی هه‌یه، خۆی و هاژینه‌كه‌ی كرێكارن و له ژێر هێڵی هه‌ژاری دا ده‌ژین. له ڕووداوێكی دڵته‌زێنی دیكه‌دا، پیاوێك له گوندی په‌ری له ناوچه‌ی زه‌ندی مڵایه‌ر خۆشكه ته‌مه‌ن ٩ ساڵانه‌كه‌ی به ناوی له‌یلا كوشتووه و ته‌رمه‌كه‌ی له ده‌ره‌وه‌ی ئاوایی ناشتووه. شایانی باسه كه بكوژ و كه‌سێكی دیكه‌ی ئه‌ندامی ئه‌و بنه‌ماڵه له‌لایه‌ن پۆلیسه‌وه ده‌ستبه‌سه‌ر كراون و دانیان به تاوانه‌كه‌یان ناوه.
