10
به پێی ئه‌و وێنانه‌ی به ده‌ستی ناوه‌ندی هه‌واڵی كۆمه‌ڵه گه‌یشتووه، خه‌ڵك له چه‌ند گوند و ناوچه‌ی كوردستان به سه‌ما و هه‌ڵپه‌ركێ و داگیرسانی ئاگری نه‌ورۆز، هاتنی وه‌رزی به‌هاریان پیرۆز كرد.
به پێی ئه‌و وێنانه، خه‌ڵك له گونده‌كانی “چشمه خانی” له شارستانی گێڵان غه‌رب، “ته‌ختگای عادڵ خان” له گاواره و هه‌روه‌ها “بڵوان ئاوا“ی دێولان، سه‌ره‌ڕای گوشار و هه‌ڕه‌شه‌ی هێزه ئه‌منیه‌كانی كۆماری ئیسلامی، به جۆش و خرۆشه‌وه هاتنی ئه‌م وه‌رزه‌یان پیرۆز کرد.
