به فه‌رمانی “محه‌ممه‌د نیازی”، به‌ڕێوه‌به‌ری زیندانی شه‌یبانی ئه‌هواز، ١٧ به‌ندكراوی سیاسی له مافی چاوپێكه‌وتن له‌گه‌ڵ بنه‌ماڵه و ده‌ستڕاگه‌یشتن به خزمه‌تگوزارییه ده‌رمانییه‌كان بێبه‌ش كراون.
پێشتر گاردی ئه‌منیه‌تی زیندان ژماره‌یه‌ك له به‌ندكراوانی سیاسی ئه‌و زیندانه‌ی به ناوه‌كانی “محه‌ممه‌دعه‌لی عه‌مووری”، “موختار ئه‌لبوشوكه”، “جابر ئه‌لبوشوكه”، “عه‌بدۆلئیمام زائری”، “عه‌لی حه‌له‌فی”، “یه‌حیا ناسری”، “عه‌لی سیاحی”، “ئه‌یووب په‌ركار”، “غۆڵامحسێن كه‌لبی”، “عه‌بدۆلزه‌هرا هه‌لیچی”، “فارس عه‌مووری”، “محه‌ممه‌دڕه‌زا مۆقه‌ده‌م”، “محه‌ممه‌د مۆئمن تیماس”، “حسێن سۆیحان نه‌ساری”، “جابر سه‌خراوی”، “محه‌مه‌د لویمی” و “حه‌سه‌ن سه‌واری” دابووه به لێدان و ئێستا هه‌موویان له مافه‌كانی دیدار له‌گه‌ڵ بنه‌ماڵه و ده‌ستڕاگه‌یشتن به خزمه‌تگوزاری پزیشكی بێبه‌ش كراون.
