88
به‌پێی ڕاپۆرتی شۆرای سنفی خوێندكارانی ئێران، شه‌ش خوێندكاری زانكۆی ڕازی كرماشان وێڕای تێپه‌ڕكردنی ماوه‌ی بێبه‌ش بوونیان له خوێندن، بۆ جارێكی دیكه له درێژه‌دان به پڕۆسه‌ی خوێندن بێبه‌ری كراون.
شه‌ش خوێندكاری زانكۆی ڕازی كرماشان به ناوه‌كانی “كامیاب ڕه‌حمانی”، “عه‌لی سه‌عدی”،”محه‌ممه‌د مورادی”، “سه‌عید ئیران نژاد”، “عه‌لیڕه‌زا نادری” و “ڕامین حه‌بیبی” كه له مانگه‌كانی خه‌زه‌ڵوه‌ر و سه‌رماوه‌زی ساڵی ١٤٠١ له‌لایه‌ن حه‌راسه‌ت و هێزه ئه‌منیه‌كانه‌وه له خوابگای زانكۆ ده‌ستبه‌سه‌ر و بۆ ماوه‌ی دوو ترم له خوێند بێبه‌ش كرابوون، وێڕای ته‌واوبوونی ماوه‌ی بێبه‌ش بوونیان له پڕۆسه‌ی خوێندن، له‌لایه‌ن حه‌راسه‌ت و كۆمیته‌ی ئینزیباتییه‌وه له مافی تۆماركردنی ناو بۆ ترمی تازه بێبه‌ری كراون.
