بەردەوامیی هێرشی مووشەکی و پەهبادی کۆماری ئیسلامی بۆ سەر وڵاتانی ناوچەکە

ڕاپۆرتەکان ئاماژە بەوە دەکەن کە وڵاتانی قەتەر، ئیماراتی عەرەبی، عەرەبستانی سعوودی، عراق، ئیسرائیل و هەروەها بەحرەین، لە لایەن ڕژیمی کۆماری ئیسلامییەوە کە لە لێواری ڕووخاندایە، بە دەیان مووشەک و پەهباد کراونەتە ئامانج و بە هۆیەوە زیانێکی زۆر بەو وڵاتانە گەیشتووە. هاوکات ئەو وڵاتە عەرەبیانەی کە بوون بە ئامانجی هێرشەکانی ڕژیم، بە بڵاوکردنەوەی بەیاننامەیەک بە توندی ئیدانەی هیرشەکانیان کردووە و جەختیان لەسەر ئەوە کردووەتەوە کە لە ئەگەری بەردەوامیی هێرشەکاندا، وڵامی کۆماری ئیسلامی دەدەنەوە.