بەرزبوونەوەی ئاستی هێرشەکان بۆ سەر ناوەندەکانی حکومەت لە تاران

بە پێی دوایین ڕاپۆرتەکان، پایتەختی ئێران لە درێژەی شەپۆلی نوێی هێرشەکاندا بەر تەقینەوە و بۆردومان کەوتووە و ژمارەیەک لە ناوەندە سەربازی و حکومییەکان لە ناوچوون.

بەپێی زانیارییەکان، مەیدانی سپا و ناوچەکانی دەوروبەری ستادی گشتی هێزە چەکدارەکان لە تاران کرانە ئامانج. هاوکات لە بەشەکانی ڕۆژهەڵات و باکووری شار لەوانە پەردیس و دەماوەندیش تەقینەوە هەست پێکراوە و دانیشتوان باس لە لەرزینەوەی بیناکان دەکەن. سەرچاوەکان هەروەها ئاماژە بەوە دەکەن کە ناوەندەکانی پەیوەندیدار بە دەزگای سەرۆکایەتی و شۆرای ئاسایشی نیشتمانی کراونەتە ئامانج و زیانێکی زۆری ماددی و گیانی بەر ڕژیم کەوتووە.