بەرزڕاگرتنی یادی حەمید حسێن نژاد حه‌یده‌رانلوو لەلایەن بنەماڵەکەی

ڕۆژی پێنجشەممە ۱ی جۆزەردان، “ڕۆناهی” کچی حەمید حسێن نژاد حەیدەرانلوو، بە بڵاوکردنەوەی ڤیدیۆیەک یادی ئەو گیانەبختکردووەی بەرز ڕاگرت.

“ڕۆناهی” لەو ڤیدیۆیەدا جەخت لە سەر بێتاوانی باوکی و هەروەها نەبوونی ڕەوەندی دادپەروەرانە و ڕوونی قەزایی لە کاتی پێدانی حوکمی سێدارە بە سه‌ر باوکی دەکات. لە درێژه‌ دا ناوبراو باس لەوە دەکات کە هێشتا تەرمی باوکی ڕادەستیان نەکراوە و لە شوێنی ئه‌‌سپه‌رده‌كردنی ته‌رمه‌كه‌ی ئاگادار نین.