3
بەپێی هەواڵی گەیشتوو، لە “ڕۆژی ٨ی مارس” ڕۆژی جیهانی ژن لە شاری کۆڵنی ئاڵمان ڕێپێوانێک بە بەشداری هەزاران کەس بەڕێوەچوو.
بە وتەی سەرچاوەکانی هەواڵ، زیاتر لە دە هەزار کەس لە چالاکانی مەدەنی، پارێزەرانی مافی ژنان و هاووڵاتیانی ئازادیخواز بەشدارییان لەم ڕێپێوانەدا کردووە. بەشداربووان بە بەرزکردنەوەی پلاکارد و وتنەوەی درووشم جەختیان لەسەر پێویستیی بەدەستهێنانی یەکسانی ڕەگەزی، پاراستنی مافی ژنان و بەرەنگاربوونەوەی جۆرەکانی جیاوازی و توندوتیژی دژی ژنان کردووەتەوە. ئەم کۆبوونەوەیە لە کەشێکی هاوبەش و پڕلە هاوسەنگیدا بەڕێوەچوو و بەشداربووان خوازیاری گەشەپێدانی دادپەروەری کۆمەڵایەتی، یەکسانی ماف و ڕێزگرتن لە کرامەتی مرۆڤی بۆ هەموو ژنان لە سەرانسەری جیهان بوون.
