3
ئوستانداری ورمێ دانی بەوە داناوه كه مه‌عده‌نی زێڕی زەرەشۆرانی تیکاب، کە یەکێکە لە گەورەترین کانگاکانی زێڕ لە رۆژهەڵاتی ناوەڕاستە، هیچ سوودێکی بۆ دانیشتووانی ناوچەکە نەبووە و دەرئەنجامی لە بواری “بەرپرسیارێتیی کۆمەڵایەتییەوە” سفر بووە.
ئەم لێدوانە لە کاتێکدایە کە ساڵی رابردوو بە بڕی دوو هەزار و ٢٠٠ کیلۆگرام زێڕ لەم کانگایە دەرهێنراوە. شاری تیکاب، سەرەڕای هەڵکەوتنی لەسەر یەکێک لە دەوڵەمەندترین ناوچە کانزاییەکانی ئێران، بە یەکێک لە ناوچە بێبه‌شه‌كانی پارێزگای ئازه‌ربایجانی غه‌ربی دادەنرێت و دانیشتووانەکەی ساڵانێکە گلەیی لە بێبەشبوونیان لە داهاتی کانگاکان و پیسبوونی ژینگە دەکەن.
