22
ئێواره‌ی دووشه‌ممه ٢٩ی گه‌لاوێژ، هێزه‌كانی گه‌شتی ئێرشادی ڕژیم له شاری قه‌زوێن هه‌وڵی ده‌ستبه‌سه‌ركردنی چه‌ند كچی گه‌نجیان دا، به‌ڵام خه‌ڵكی وه‌زاڵه هاتوو هێرشیان كرده سه‌ریان و كچه‌كانیان ڕزگار كرد.
به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، خه‌ڵكی قه‌زوێن وڵامی هه‌ڵسووكه‌وتی وه‌حشیانه‌ی سه‌ركوتگه‌رانی كۆماری ئیسلامیان به شێوازێكی شیاو داوه‌ته‌وه و مه‌ئموورانی ڕژیم ئۆتۆمبێله‌كانیان به‌جێ هێشتووه و هه‌ڵهاتوون. به‌دوای هه‌ڵهاتنی هێزه‌كانی ڕژیم، خه‌ڵكی ناڕازی ڕژاونه‌ته سه‌ر شه‌قام و دروشمی مه‌رگ بۆ دیكتاتۆریان به‌رز كردووه‌ته‌وه.
