15
به‌پێی هه‌واڵی گه‌یشتوو، ڕۆژی دووشه‌ممه ٣ی گوڵانی ١٤٠٣، خه‌ڵكی شۆڕشگێڕی ورمێ له‌گه‌ڵ گه‌شتی ئێرشادی ڕژیم تێكهه‌ڵچوون و سه‌ركوتگه‌رانی ڕژیمیان ڕاو نا.
له ٢٥ی خاكه‌لێوه‌وه كه بڕیاری گه‌ڕانه‌وه‌ی گه‌شتی ئێرشاد بۆ سه‌ر شه‌قامه‌كان له‌لایه‌ن كۆماری ئیسلامیه‌وه دراوه، به سه‌دان كچ و ژن له سه‌رانسه‌ری ئێران به بیانووی ڕچاو نه‌كردنی حیجابی ئیجباری ده‌ستبه‌سه‌ر و ئازاری جنسی دراون. له چه‌ند شاری وه‌كوو ڕه‌شت، تاران، كرماشان و ورمێ خه‌ڵكی ئازادیخواز له‌كاتی ڕفاندنی كچان، هێرشیان كردۆته سه‌ر مه‌ئموورانی كۆماری ئیسلامی و پاشه‌كشه‌یان پێ كردوون.
