6
شه‌وی سێشه‌ممه ٥ی خاكه‌لێوه‌ی ١٤٠٤، ده‌یان هه‌زار خوێندكار و قوتابی توركیا له چه‌ندین گه‌وره‌شاری ئه‌و وڵاته دژ به ده‌وڵه‌تی ئه‌ردۆغان ڕژانه سه‌ر شه‌قام و خوازیاری یایكۆتی میدیا و شیركه‌ته‌كانی سه‌ر به حیزبی ئاك پارتی بوون.
به‌پێی زانیارییه‌كان، ده ڕۆژنامه‌وان و هه‌واڵنێر ده‌ستبه‌سه‌ر و حه‌وت كه‌سیان محاكمه و زیندانی كراون. هه‌روه‌ها ڕێژه‌ی ده‌ستبه‌سه‌ركراوان بۆ هه‌زار و ٤١٨ كه‌س به‌رز بووه‌ته‌وه و دادگوسته‌ری توركیا له ڕه‌وه‌ندێكی نایاسایی دا په‌روه‌نده‌سازی بۆ مامۆستایانی قوتابخانه و زانكۆكانی ئانكارا، ئێستانبوول و بوورسا كردووه. ڕۆژی ڕابردوو سه‌ندیكای كارمه‌ندانی به‌شی په‌روه‌رده هۆشداری به ده‌وڵه‌ت دا كه سه‌ركوتگه‌رییه‌كانیان ناتوانێت پاشه‌كشه‌یان پێ بكات و تا ئه‌و كاته‌ی دیكتاتۆر ده‌ڕووخێنن درێژه به خه‌بات ئه‌ده‌ن.
