خه‌باتی بێ وه‌چانی ژنانی ئێرانی دژبه‌ حیجابی ئیجباری

به‌پێی ئه‌و وێنانه‌ی به‌ ده‌ستمان گه‌یشتووه‌، ژنان و كچانی ئازا و بوێری ئێران به‌ شێوه‌یه‌كی به‌ربڵاو دژبه‌ یاسای حیجابی ئیجباری خه‌بات ده‌كه‌ن و له‌ شوێنه گشتیه‌كان سه‌رپۆشی زۆره‌ملێ تۆڕ ئه‌ده‌ن.

ژنان و كچانی ئازادیخواز و به‌رابه‌ری ته‌ڵه‌ب له‌ شاره‌ جۆراوجۆره‌كانی ئێران بێ حیجابی ئیجباری له‌ شه‌قامه‌كان دا پیاسه‌ ده‌كه‌ن و هه‌ندێكیان به‌ تۆڕدانی سه‌رپۆشی زۆره‌ملێ، له‌گه‌ڵ هاوڕێكانیان دا وه‌رزش ده‌كه‌ن. بینینی وێنه‌ی ژنانی ئازادیخواز وره‌ی به‌ كچانی وڵات به‌خشیوه‌ و خوێندكاران و قوتابیان به پێچه‌وانه‌ی بڕیاره‌كانی حكوومه‌ت، بێ حیجابی ئیجباری له‌ پاركه‌كان دا ماتۆڕسه‌واری و دووچه‌رخه‌ سه‌واری ده‌كه‌ن.