50
ڕۆژی یه‌كشه‌ممه ٢٠ی ڕه‌شه‌مه، سه‌دان ئاواره‌ی فه‌له‌ستینی له‌به‌ردم ئۆتۆمبێله سه‌ربازییه‌كانی سپای ئیسڕائیل دا خۆپێشاندانیان كرد و خوازیاری ئاگربه‌ست بوون.
به‌پێی ئه‌و ویدیۆیانیه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، سه‌دان شارومه‌ندی ئاواره‌ی فه‌له‌ستینی له غه‌زه به به‌رزكردنه‌وه‌ی ئاڵای سپی له‌به‌رده‌م ئه‌رته‌شی ئیسڕائیل خوازیاری كۆتایی هێنان به شه‌ڕ و گه‌ڕانه‌وه بۆ ماڵه‌كانیان بوون. به‌پێی دوایین زانیارییه‌كان، دانووستانه‌كانی ئاگربه‌ست له نێوان حه‌ماس و ئه‌رته‌شی ئیسڕائیل ئاكامێكی نه‌بووه و كۆمه‌ڵگای نێوده‌وڵه‌تی سه‌باره‌ت به چوونه‌سه‌ره‌وه‌ی ئاستی گرژی و ئاڵۆزییه‌كان له مانگی ڕه‌مه‌زان دا هۆشداری داوه‌ته ده‌وڵه‌تی ئیسڕائیل و داوایان كردووه ئاگربه‌ستی چه‌ند حه‌فته‌یی ڕابگه‌ینن.
