14
ڕۆژی شه‌ممه ١١ی ڕه‌شه‌مه، كۆمه‌ڵێك له ئێرانیانی ئازادیخواز له وڵاته‌كانی سوید و ئاڵمان دژ به كۆماری ئیسلامی ڕژانه سه‌ر شه‌قام و خوازیاری هه‌ڵوه‌شانه‌وه‌ی سزای سێداره بوون.
به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، ئێرانیانی ئازادیخوازی سوید له شاره‌كانی ستۆكهۆڵم و گۆتنبێرگ له دوو كۆبوونه‌وه‌ی جیاجیادا خوازیاری داخستنی ناوه‌نده مه‌زهه‌بیه‌كانی ڕژیم و دانانی سپای پاسداران له لیستی تیرۆریسمی نێوده‌وڵه‌تی بوون. ناڕازیان له فڕانكفۆرتی ئاڵمان له‌به‌رده‌م باڵوێزخانه‌ی ڕژیم دا كۆبوونه‌وه و به وتنه‌وه‌ی دروشم خوازیاری هه‌ڵوه‌شانه‌وه‌ی سزای سێداره و ئازادی هه‌موو به‌ندكراوانی سیاسی بوون.
