30
ڕۆژی یه‌كشه‌ممه ٩ی گوڵان، ئێرانیانی ئازادیخواز له وڵاتانی فه‌ڕانسه، كانادا، ئه‌مریكا، ئاڵمان، نیووزله‌ند و ئۆستڕاڵیا بۆ دووهه‌مین ڕۆژی به‌رده‌وام دژبه سه‌پاندنی سزای ئێعدام به‌سه‌ر تووماج ساڵحی و ئه‌گه‌ری له‌سێداره‌دانی “ڕه‌زا ڕه‌سایی”، “موجاهد كوركور” و “حه‌بیب دریس” خۆپێشاندانیان كرد.
به‌شداربووانی ئه‌و چالاكییانه به به‌دسته‌وه‌گرتنی وێنه‌ی قوربانیانی سه‌ركوتی ڕژیم،دژبه كۆماری ئیسلامی دروشمیان به‌رز كرده‌وه و خوازیاری هه‌ڵوه‌شاندنه‌وه‌ی سزای ئێعدام له ئێران و ئازادی هه‌موو به‌ندكراوانی سیاسی بوون. خۆپێشانده‌ران هه‌روه‌ها ئاماژه‌یان به سه‌ركوتی ژنانی ئازادیخوازی ئێران له‌لایه‌ن گه‌شتی ئێرشاد و بێده‌نگی كۆمه‌ڵگای نێوده‌وڵه‌تی كرد و خوازیاری سزادانی به‌رپرسانی قه‌زایی و ئه‌منیه‌تی ڕژیم بوون.
