خۆپێشاندانی خه‌ڵكی ئه‌رده‌كانی یه‌زد له‌به‌رده‌م ئیداره‌ی به‌رق

كۆمه‌ڵێك له‌ دانیشتووانی شارستانی ئه‌رده‌كان له‌ ئوستانی یه‌زد، ڕۆژی سێشه‌ممه‌ ١٦ی گوڵان، له‌به‌رده‌م ئیداره‌ی به‌رق دا كۆبوونه‌وه‌ و ناڕه‌زایه‌تی خۆیان له‌ ئاست بڕینی به‌رده‌وامی به‌رق نیشان دا.

خۆپێشانده‌رانی ئه‌رده‌كانی ڕایانگه‌یاند: چی تر لێبوردنی به‌رپرسانی حكوومه‌ت و پێدانی واده‌ی چاكسازی كاریگه‌ر نییه‌ و كاره‌بای ٢٤ كاتژمێریان ده‌وێت. ناڕازیان به‌ داخستنی شه‌قامی سه‌ره‌كی ئه‌و شاره‌ خوازیاری سه‌رمایه‌گوزاری له‌ به‌شی وزه‌ و قه‌ره‌بووكردنه‌وه‌ی زیانه‌كانیان بوون.