13
ڕۆژی چوارشه‌ممه ٢٥ی ڕه‌زبه‌ر، ده‌یان دانیشتووی شاری گرێ سپی داگیركراو له ڕۆژئاوای كوردستان به‌رانبه‌ر ده‌روازه‌ی سنووری توركیا كۆبوونه‌وه و جه‌نایه‌ته‌كانی ده‌وڵه‌تی تورك و به‌كرێگیراوه ئیسلامگه‌راكانی سه‌ر به‌و وڵاته‌یان به توندی شه‌رمه‌زار كرد.
دانانی باجی قورس له‌سه‌ر مامه‌ڵه‌ی كاسبكارانی گرێ سپی و ئه‌شكه‌نجه، ئازار، ده‌ستدرێژی سێكسی، زیندان و ڕفاندنی شارومه‌ندان له‌لایه‌ن تیرۆریسته ئیسلامگه‌راكانی سه‌ر به ده‌وڵه‌تی تورك ناڕه‌زایه‌تی به‌رینی دانیشتووانی ئه‌و شاره‌ی لێكه‌وتووه‌ته‌وه. ڕۆژی ڕابردوو، خه‌ڵكی گرێ سپی له به‌رده‌م ده‌روازه‌ی سنووری توركیا خۆپێشاندانیان كرد و خوازیاری چوونه‌ده‌ره‌وه‌ی هێزه‌كانی توركیا بوون.
