60
ڕۆژی سێشه‌ممه ٨ی جۆزه‌ردان، خوێندكارانی لایه‌نگری فه‌لاستین له ئیسڕائیل، سوید و شیلی دژبه ژنیۆسایدی خه‌ڵكی غه‌زه له‌لایه‌ن ده‌وڵه‌تی ئیسڕائیله‌وه خۆپێشاندانیان كرد.
به‌پێی ڕاپۆرته‌كان، خوێندكارانی لایه‌نگری فه‌لاستین پاش هێرشه‌كانی شه‌وی یه‌كشه‌ممه‌ی ئیسڕائیل بۆ سه‌ر ڕه‌فه‌ح و قوربانی بوون ده‌یان فه‌له‌ستینی له زانكۆی ئۆرشه‌لیم كۆبوونه‌وه و خوازیاری ڕاگرتنی شه‌ڕ بوون. له‌لایه‌كی دیكه‌وه خوێندكارانی لایه‌نگری فه‌له‌ستین له زانكۆی گۆتنبێرگی سوید له ناوه‌ندی زانكۆ مانیان گرت و خوازیاری ئاگربه‌ستی هه‌میشه‌یی له غه‌زه بوون. هه‌روه‌ها له وڵاتی شیلی سه‌دان خوێندكاری لایه‌نگری فه‌له‌ستین له شاری سانتیاگۆ ڕێپێوانێكی گه‌وره‌یان دژبه ئیسڕائیل به‌ڕێوه برد و خوازیاری ڕاگرتنی شه‌ڕ و سزادانی به‌رپرسانی ده‌ڵه‌تی ئیسڕائیل بوون.
