29
ڕۆژی شه‌ممه ١١ی خاكه‌لێوه، دژبه‌رانی شه‌ڕ له سوید، ئیسڕائییل و به‌ریتانیا دژبه ژینۆسایدی خه‌ڵكی فه‌له‌ستین له‌لایه‌ن ده‌وڵه‌تی ڕاستگه‌رای نتانیاهوو خۆپێشاندانیان كرد.
به‌پێی ڕاپۆرته‌كان، هه‌زاران دژبه‌ری شه‌ڕ و بنه‌ماڵه‌ی دیله‌كانی ده‌ستی حه‌ماس له شاری تل ئاویو خۆپێشاندانیان كردووه و خوازیاری ڕاگرتنی شه‌ڕ و ئازادی دیله‌كان بوون، به‌ڵام هێزه‌كانی پۆلیس هێرشیان كردۆته سه‌ر خه‌ڵك و ١٦ كه‌سیان ده‌ستبه‌سه‌ر كردووه. له‌لایه‌كی دیكه‌وه لایه‌نگرانی فه‌له‌ستین و دژبه‌رانی شه‌ڕ له له‌نده‌ن و ستۆكهۆڵم به به‌رزكردنه‌وه‌ی ئاڵای فه‌له‌ستین خوازیاری ڕاگراتنی ده‌ستبه‌جێی شه‌ڕ له كه‌رتی غه‌زه و ڕاگه‌یاندنی ئاگربه‌ستی هه‌میشه‌یی بوون.
