6
شه‌وی پێنجشه‌ممه ٨ی سه‌رماوه‌زی ١٤٠٣، سه‌دان كوردی دانیشتووی وڵاتی به‌ریتانیا له شاری له‌ندن ڕژانه سه‌ر شه‌قام و ده‌ستبه‌سه‌ركردنی چه‌ند چالاكی سیاسی كوردیان له‌لایه‌ن پۆلیسی ئه‌و وڵاته‌‌وه به توندی شه‌رمه‌زار كرد.
به‌پێی زانیارییه‌كان، پۆلیسی به‌ریتانیا ڕۆژی چوارشه‌ممه ٧ی سه‌رماوه‌ز هێرشی كرده سه‌ر ٨ ناوه‌ندی كوردی له له‌نده‌ن و وێڕای زه‌وت كردنی كه‌لووپه‌له‌كانی نێو ژووره‌كان، حه‌وت كه‌سی به تۆمه‌تی هاوكاری له‌گه‌ڵ “پ.ك.ك” ده‌ستبه‌سه‌ر كردووه. به وته‌ی چالاكانی سیاسی، زیاتر له هه‌زار كه‌س له ڕێپێوانه‌كه‌ی ڕۆژی پێنجشه‌ممه دا به‌شدار بوون و به‌شێك له حیزبه سۆسیالیسته و یه‌كێتیه كرێكارییه‌كانی به‌ریتانیاش هاوڕێ له‌گه‌ڵ كوردانی دانیشتووی ئه‌و وڵاته دژ به سیاسه‌ته‌كانی ده‌وڵه‌ت خۆپێشاندانیان كردووه.
