40
عه‌له‌وه‌ییه‌كانی باكووری كوردستان له شاری دێرسیم، ڕۆژی شه‌ممه ١٥ی به‌فرانبار، دژ به ئه‌شكه‌نجه و ئازاری عه‌له‌وه‌ییه‌كانی سووریه ڕژانه سه‌ر شه‌قام و دژ به حكوومه‌ته‌كه‌ی محه‌ممه‌د جه‌ولانی له سووریه دروشمیان به‌رز كرده‌وه.
به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، چه‌كدارانی حكوومه‌تی نوێی سووریه ده‌ستیان كردووه به پاكتاوی نیژادی عه‌له‌وه‌ییه‌كانی سووریه و وێڕای داگیركردنی داراییه‌كانیاننت به سه‌دان كه‌سیان ده‌ستبه‌سه‌ر و ئه‌شكه‌نجه كردووه. ڕۆژی ڕابردوو، عه‌له‌وه‌ییه‌كانی باكووری كوردستان بۆ پشتیوانی له هاوكیشه‌كانیان له سووریه ڕژانه سه‌ر شه‌قام و دژ به ده‌وڵه‌تی تازه‌ی سووریه و حكوومه‌ته‌كه‌ی محه‌ممه‌د جه‌ولانی دروشمیان به‌رز كرده‌وه.
