22
ڕۆژی چوارشه‌ممه ٥ی گوڵانی ١٤٠٣، به‌دوای بڵاوبوونه‌وه‌ی هه‌واڵی هێرشی هێزه‌كانی پۆلیس بۆ سه‌ر ده‌فته‌ری دوو میدیای كوردی له فه‌ڕانسه و بلژێك و ده‌ستبه‌سه‌ركرانی پێنج كه‌س، كوردانی دانیشتووی ئورووپا ڕژانه سه‌ر شه‌قام و خۆپێشاندانیان كرد.
چه‌ند ڕۆژ له‌وه‌به‌ر پۆلیسی بلژێك و فڕانسه هێرشیان كرده سه‌ر ده‌فته‌ری دوو میدیای “هابه‌ر تی وی” و “ستێرك تی وی” و وێڕای پشكنینی ئامێره‌كان، پێنج كه‌سیان ده‌ستبه‌سه‌ر كرد. بڵاوبوونه‌وه‌ی ئه‌و هه‌واڵه شه‌پۆلێك له ناڕه‌زایه‌تی له نێو كوردانی دانیشتووی ئورووپای لێ كه‌وته‌وه و ناڕازیان سه‌ركوتی ده‌نگی ئازادیان به توندی شه‌رمه‌زار كرد. هه‌ندێك له سه‌رچاوه‌كانی هه‌واڵ باس له كۆبوونه‌وه‌ی ناڕه‌زایه‌تی كوردانی ناڕازی له چه‌ند شاری باكووری كوردستان ده‌كه‌ن.
