خۆپێشاندانی كوردانی بلژیك دژ به‌ حوكمی ئێعدامی په‌خشان عه‌زیزی و وریشه مورادی

ڕۆژی سێشه‌ممه‌ ٢ی ڕێبه‌ندان، كوردانی دانیشتووی بلژێك له‌ شاری بڕۆكسل كۆبوونه‌وه‌ و خوازیاری هه‌ڵوه‌شانه‌وه‌ی سزای سێداره‌ی په‌خشان عه‌زیزی و وریشه مورادی بوون.
به‌شداربووانی ئه‌و چالاكییه‌ له‌به‌رده‌م پاڕله‌مانی بلژیك دا كۆبوونه‌وه‌ به‌ به‌ده‌سته‌وه‌گرتنی وێنه‌ی په‌خشان عه‌زیزی و وریشه مورادی، سه‌پاندنی سزای سێداره‌یان به‌سه‌ر ئه‌و دوو به‌ندكراوه‌ سیاسییه‌ به‌ توندی مه‌حكووم كرد و خوازیاری هه‌ڵوه‌شانه‌وه‌ی سزای سێداره‌ به‌ گشتی و ئازادی هه‌موو به‌ندكراوانی سیاسی بوون.