36
ڕۆژی شه‌ممه ١٥ی گوڵانی ١٤٠٣، كۆمه‌ڵێك له كوردانی دانیشتووی وڵاتی نۆرویژ له ناڕه‌زایه‌تی به سه‌پاندنی سزای ئێعدام به‌سه‌ر “تووماج ساڵحی” و ئه‌گه‌ری له‌سێداره‌دانی ٤٤ به‌ندكراوی سیاسی خۆپێشاندانیان كرد.
به‌پێی ڕاپۆرته‌كان، كوردانی سه‌ربه‌خۆ و لایه‌نگرانی حیزبه سیاسیه‌كانی ڕۆژهه‌ڵاتی كوردستان كاتژمێر ٣ و ١٥ ده‌قێقه‌ی نیوه‌ڕۆ، به به‌ده‌سته‌وه‌گرتنی وێنه‌ی قوربانیانی سه‌ركوتی ڕژیم و وتنه‌وه‌ی دروشم، له‌به‌رده‌م وه‌زاره‌تی ده‌ره‌وه‌ی وڵاتی نۆروێژ كۆبوونه‌ته‌وه. به‌شداربووانی ئه‌و چالاكییه خوازیاری هه‌ڵوه‌شاندنه‌وه‌ی سزای ئێعدام له ئێران و ئازادی ته‌واوی به‌ندكراوانی سیاسی بوون.
