27
ڕۆژی دووشه‌ممه ٢٠ی خاكه‌لێوه، په‌ره‌ستاران له شاره‌كانی شیراز، لامه‌رد و یاسووج دژبه دۆخی خراپی پیشه‌یی و مه‌عیشه‌تی خۆپێشاندانیان كرد.
به‌پێی ڕاپۆرته‌كان، سه‌دان په‌ره‌ستاری ناڕازی له شاری شیراز سه‌ره‌تا له‌به‌رده‌م ئوستانداری و دواجار له‌به‌رده‌م ده‌فته‌ری نوێنه‌ری خامنه‌یی له‌و شاره كۆبوونه‌ته‌وه. په‌ره‌ستاران خوازیاری چوونه‌سه‌ره‌وه‌ی ئاستی حه‌قده‌ست و مه‌زایا، زیادكردنی ته‌عرفه‌ی په‌ره‌ستاری، كه‌مكردنه‌وه‌ی ئیزافه‌كاری، پێدانی كارانه، دامه‌زراندنی په‌ره‌ستاری نوێ، ڕێگری له كۆچكردنی كادری ده‌رمان بۆ ده‌ره‌وه‌ی وڵات، ته‌زمینی ئه‌منیه‌تی پیشه‌یی و چاكسازی له ژیان و مه‌عیشه‌تیان بوون.
