5
به پێی ڕاپۆرتی میدیاكانی باكووری كوردستان، بڕیاره ڕۆژی سێشه‌ممه ٥ی خاكه‌لێوه، چه‌ند گرووپی مافیایی چالاك له بواری بازه‌رگانی سێكسی دادگایی بكرن، به‌و بۆنه‌وه ده‌یان ژنی چالاكوان له‌به‌رده‌م دادگای ئه‌و شاره كۆبوونه‌وه و خوازیاری سزادانی تاوانباران بوون.
به پێی زانیارییه‌كان، بزووتنه‌وه‌ی ژنانی ئازاد و كۆمیسیۆنی منداڵانی پارتی دیموكراتیكی گه‌لان به دروشمه‌كانی “ژن،ژیان،ئازادی“، “به فه‌لسه‌فه‌ی ژنان،ژیان،ئازادی فه‌حشا له‌ناو ئه‌به‌ین“، “نا بۆ توندووتیژی،ئازار و به‌هره‌كه‌شی له ژنان و منداڵان” له‌سه‌ر شه‌قام ڕێپێوانیان كردووه و دواجار له‌به‌رده‌م دادگای شڕناخ دا كۆبوونه‌ته‌وه. ژنانی به‌شدار خوازیاری سزادانی تاوانباران بوون و داوایان كرد، چی تر ڕێگه به چالاكی ئه‌و گرووپانه له باكووری كوردستان ناده‌ن.
