16
به‌ڕێوه‌به‌رایه‌تی كارخانه‌ی سیمانی لامه‌رد له پارێزگای فارس، ڕۆژی شه‌ممه ٢١ی ڕه‌زبه‌ر ڕایگه‌یاند: به‌هۆی نه‌بوونی سه‌رچاوه‌ی دارایی و دابه‌زینی ئاستی وه‌به‌رهێنان، كارخانه‌كه‌ی داخست.
به‌ڕێوه‌به‌رایه‌تی كارخانه‌ی سیمانی لامه‌رد هۆكاری داخستنی كارخانه‌كه‌ی بۆ نه‌بوونی و گرانی سووته‌مه‌نی، بڕینی به‌رده‌وامی كاره‌با، خراپی بازاڕ، دابه‌زینی ئاستی وه‌به‌رهێنان، كه‌می فرۆش و قه‌رزداری گه‌ڕاندووه‌ته‌وه. داخرانی كارخانه‌ی سیمانی لامه‌رد له حاڵێكدایه كه كرێكارانی ئه‌و ناوه‌نده له ماوه‌ی حه‌فته‌ی ڕابردوودا چه‌ند جار له ئاست نه‌دانی حه‌قده‌ست ناڕه‌زایه‌تیان ده‌ربڕیوه، به‌ڵام سه‌ره‌نجیان به داواكارییه‌كانیان نه‌داوه.
