ڕۆژی دووشه‌ممه ١٠ی به‌فرانبار، په‌نجا چالاكی سیاسی ژن له ئه‌مریكا له به‌یاننامه‌یه‌كی هاوبه‌ش دا كه بۆ دۆناڵد ترامپ و نه‌ته‌وه‌یه‌كگرتووه‌كانیان ناردووه خوازیاری به‌فه‌رمی ناساندنی خۆبه‌ڕێوه‌به‌رایه‌تی ڕۆژئاوای كوردستان بوون.
له به‌شێكی ئه‌و به‌یاننامه‌یه‌دا وێڕای ئاماژه‌دان به مێژووی كورده‌كان له ڕۆژهه‌ڵاتی ناوه‌ڕاست، خه‌بات و تێكۆشانی كوردانی ڕۆژئاوای كوردستان دژ به داعشیان به‌رز نرخاند و ڕایانگه‌یاند: دیمۆكراسی ڕاسته‌قینه له‌لایه‌ن خۆبه‌ڕێوه‌به‌رایه‌تی باكوور و ڕۆژهه‌ڵاتی باكووری سووریه‌وه دابین كراوه. له‌و ناوچه‌یدا مافی ژنان ده‌ستبه‌سه‌ر بووه و ئازادی ڕاده‌ربڕین و چالاكی حیزبه‌كانی دیكه ته‌زمین كراوه. بۆ گه‌یشتن به‌و ئامانجانه به هه‌زاران قوربانیان داوه و نابێت ده‌وڵه‌تی ئه‌مریكا و نه‌ته‌وه‌یه‌كگرتووه‌كان پشتیان لێ بكات. ئێمه ژنان و دامه‌زراوه كوردییه‌كانی ئه‌مریكا داوا له دۆناڵد ترامپ و سه‌رۆكی نه‌ته‌وه‌یه‌كگرتووه‌كان ده‌كه‌ین خۆبه‌ڕێوه‌به‌رایه‌تی ڕۆژئاوای كوردستان به فه‌رمی بناسێنن و ڕێگه له هێرشه‌كانی توركیا بۆ سه‌ر باكوور و ڕۆژهه‌ڵاتی باكووری سووریا بگرن.
