ڕۆژی دووشه‌ممه ١١ی خاكه‌لێوه‌ی ١٤٠٤، كه‌شاوه‌رزانی ئیسفه‌هانی بۆ چه‌نده‌مین ڕۆژی به‌رده‌وام دژ به نه‌دانی حه‌قاوه كۆبوونه‌وه و چه‌ن كه‌س له‌لایه‌ن هێزه‌كانی ڕژیمه‌وه بریندار كران.
حسێن محه‌ممه‌دی سه‌رۆكی ژووری ئه‌سنافی كه‌شاوه‌رزی شارستانی هه‌ره‌ند له پارێزگای ئیسفه‌هان ڕۆژی ڕابردوو ڕایگه‌یاند: له ماوه‌ی چه‌ند ڕۆژی ڕابردوودا به لاینكه‌م ٥٠ جووتیار به فیشه‌كی ساچمه‌یی و زه‌ربه‌ی باتۆمی هێزه ئینتزامییه‌كانی ڕژیم بریندار كراون. ئه‌و به‌رپرسه ده‌وڵه‌تییه هه‌روه‌ها وتی: سه‌دان ساڵه كه‌شاوه‌رزانی ئیسفه‌هانی پاره‌ی حه‌قاوه په‌رداخت ئه‌كه‌ن، به‌ڵام هیچ كات وه‌كوو ئێستا بێڕێزییان پێ نه‌كراوه. ٧٧ له سه‌دی ئاوی زایه‌نده‌ڕوود پشكی كه‌شاوه‌رزانی پارێزگای ئیسفه‌هانه و ده‌وڵه‌ت ته‌نیا پاره‌یان لێ وه‌رده‌گرێت و له به‌رانبه‌ر دا حه‌قاوه‌كانیان نادات. به‌و بۆنه‌وه جووتیاران زیانێكی زۆریان پێ گه‌یشتووه و ته‌نیا داوای مافی خۆیان ده‌كه‌ن.
