28
ڕۆژی سێشه‌ممه ٢٢ی ڕه‌شه‌مه، خه‌ڵكی گونده‌كانی سه‌ر به شاره‌كانی سنه و مه‌ریوان مه‌راسمی نه‌ورۆزانه‌یان به كردنه‌وه‌ی ئاگر و هه‌ڵپه‌ڕكێ به‌ڕێوه برد.
به‌پێی ئه‌و وێنه و ویدیۆیانه‌ی به ده‌ستمان گه‌یشتووه، دانیشتووانی گونده‌كانی به‌رده‌ڕه‌شی مه‌ریوان، چه‌شمییه‌ر و شیانی سه‌ر به شاری سنه به هه‌ڵكردنی ئاگری نه‌ورۆز، هه‌ڵپه‌ڕكێ و ده‌ربڕینی شایی، هاتنی سه‌ری ساڵ و به‌هاری سه‌ركه‌وتنیان به هه‌موو خه‌ڵكی كوردستان پیرۆزبایی كردووه. شایانی باسه كه به‌شداربووانی ڕێوڕه‌سمه‌كانی نه‌ورۆز له شار و گونده‌كانی كوردستان، دروشمی “ژین،ژیان،ئازادی”، ئاڵای سوور و جامانه‌ی پێشمه‌رگانه‌یان به‌رز كردۆته‌وه.
